--------------------------------------------------------------------------------
ولك اشلون مات؟
الأول: اشلونك واشلون ابوك .... انشالله صار زين؟؟؟
الثاني: آني زين الحمدلله ... بس الوالد انطاك عمره
الأول: العمر الك آني اعرف بي قلب ... مو يالله الله يرحمه
الثاني: بس والله ما مات من القلب
الأول: لعد اشلون مات ؟؟؟؟
الثاني: الله ايرحمه بآخر ايامه ضعف نظره وطلع بالبالكون ومشاف
الحافة و وقع وتعرف احنة بيتنا طابق ثالث
الأول: لالالا على هاي الموته ... بس هم الله يرحمه
الثاني: والله اتعذبنا بي هو ايه سويناله عشر عمليات يالله اتحسن
الأول: لعد اشلون مات ؟؟؟؟؟
الثاني: صار يمشي على عكازة ... ومرة يعبر الشارع و دعمته سيارة
الأول: لالالا ... الله يرحمه
الثاني: ربك رحيم ... مر من يمّه جيرانّه وحطّه بالسيارة و نقله للمستشفى
بس النزيف الداخلي كان رهيب
الأول: الله يرحمه بكل الاحوال
الثاني: بس سفّرنا لأسبانيا وبقينا يمه ستة اشهر واتحسنت حالته
الأول: لعد اشلون مات راح اتخبل
الثاني: صار به فشل كلوي حاد وبغينا واحد يتبرع ما لقينا وصار بي تسمم
الأول: يالله ارتاح ... الله ايرحمه
الثاني: بالصدفة جاء واحد ايعرفه من زمان و اتبرعله
الأول: ماتقولي اشلوووووووووووووون مات ؟؟؟؟؟
الثاني: قاعد بالبيت و الغاز مشعول و احترق البيت
الأول: ايبااااااااااااخ اشلون موته رهيبة
الثاني: بس والله جارنا الله يجازيه بالخير ... كسر الباب و انقذه
الأول: متفهمني اشلون مات
الثاني: والله اضطرينا انضربه طلقة براسه يالله مات
العمل
